| 
Innskráning

Plötur

isbjarnarblusUndir valmyndinni Plötur finnur þú allar plötur Bubba frá upphafi ásamt myndum af plötalbúmum, lista yfir lög og texta. 

Lög og textar

bubbi_og_megasÍ gagnagrunninum okkar eru öll lög og textar Bubba. Notaðu leitina til að finna það lag sem þú ert að leita að.

Spjalltorg

login-minTaktu þátt í umræðunum á spjalltorginu. Athugaðu að þú verður að vera innskráður til að hafa aðgang.

Tímalína og molar

3-heimarUndir valmyndinni tímalína er rakin saga Bubba. Undir Molar eru margir skemmtilegir pistlar.
Image

Sjá Pistla Bubba

HÉR

Lagaleit

Tímalína

  • 2.  janúar 1985 hóf Bubbi upptökur fyrir væntanlega sólóplötu sem síðar fékk heitið Kona. Með honum í hljóðverinu var Tryggvi Herbertsson í hlutverki upptökustjóra og þá var Þorleifur Guðjónsson tíður gestur í hljóðverinu með bassann. 

  • 4. janúar 1991 fyrstu listi ársins yfir söluhæstu plöturnar birtur í DV og Sögur af Landi enn í toppsætinu. Sömu sögu var að segja 11. janúar og þá vikuna var lagið Haltu mér fast, sem Bubbi söng á plötu Mannakorns í efsta sæti yfir vinsælustu lögin.
     

  • 5. janúar 1984 héldu mannabreytingar Egósins áfram. Bubbi, Beggi og Rúnar voru ornir einir eftir. Aðrir meðlimir horfnir á braut. Ásgeir Óskarsson var þá fenginn inn sem session-trommari. 
     

  • 7. janúar 1996 var Morgunblaðið með ýtarlegt viðtal við Bubba  undir fyrirsögninni: Í draumi sérhvers manns er kona hans falin... Í viðtalinu er farið um víðan völl allt frá áhrifavöldum í tónlistinni, bækur og nýort ljóð Bubba, Bubbi lýsir skoðunn sinni á stöðunnar í íslenskri tónlist almennt og til trúmála.
     

  • Image
    Bubbi í hljóđveri viđ upptökur
    Janúar 2011 Bubbi er við upptökur nýrrar sólóplötu ásamt sveit sem kallar sig Sólskuggana. Auk þess sem hann var að semja efni og byrja undirbúning á að taka upp plötu með jólalögum.

    14. janúar 2011 Bubbi setur í spilun lagið Strákarnir okkar sem tileinkað var Íslenska landsliðinu í handbolta sem þá var að taka þátt í heimsmeistaramóti. Lagið var þó ekki fyrr komið í spilun en allt fór á verri veg. Því eftir að hafa unnið alla leiki sína í undariðli tapaði liðið öllum leikjum sínum í milliriðli og spilaði loks um 5. sæti í úrslitum.

    2. mars 2011 Bubbi mætti í hljóðstofu Bylgjunnar hjá Rúnari Róberts sem spjallaði aðeins við hann um væntanlega plötu. þar var og frumflutt lagið Ísabella af væntanlegri ,,Soul" plötu Bubba. 

    16. mars 2011 Bubbi og félagar leggja lokahönd á Enginn vill elska feita stelpu, í stúdíó Sýrlandi. Það var eitt laga hans næstu plötu.

    7. apríl 2011 Lagið Ísabella fer á toppinn yfir mest spiluðu lögin á Íslandi. En talsverður tími var þá síðan Bubbi hafði sem sólóisti átt lag á toppi þess lista.

    5. maí 2011 Blik þinna augna fer í spilun útvarpsstöðva og sölu á tónlist.is. Þriðja lagið af væntanlegri plötu Bubba og Sólskugganna.

    2. júní 2011 Bubbi boðar í pistli sínum á Pressan.is að hann komi ekki til með að spila í Hörpu meðan ríkjandi stjórn sitji þar. Ástæðuna rakti Bubbi í umræddum pistli. Tóku fleiri tónlistarmenn undir þá yfirlýsingu og nokkrir aðdáendur Bubba einnig. Bubbi gagnrýndi val á tónlistarfólki sem kom fram á opnunarhátíð Hörpu og fannst honum heldur hallað á þá sem fremstir stóðu í íslenskri popptónlist. Þá gagnrýndi hann ýmsa þætti er varða rekstur hússins og þá skilmála sem tónlistarmenn verða að undirgangast til að fá að spila í húsinu.

    6. júní 2011 Formlegur útgáfudagur plötunnar Ég trúi á þig. Platan var þó boðin á tónlist.is tveim dögum fyrr. Og komst ekki í verslanir fyrr en 2. dögum eftir útgáfudag. En Færibandið var á dagskrá þetta kvöld og þar ræddi Óli Palli við Bubba og saman renndu þeir í gegnum plötuna og ræddu um hana milli laga. Þátturinn hafði verið tekinn upp nokkru áður því Bubbi eyddi afmælisdeginum ásamt fjölskyldu í Kaupmannahöfn.

    14. júní 2011 Bubbi gerist meðstjórnandi í þætti Rásar 2. Virkir morgnar í eina viku og er þar með Gunnu Dís.  Meðal þess sem fram kom í fyrsta þættinum var að ýmsu hafði verið stolið frá Hugleiki Dagssyni m.a. fartölvu sem innihélt margvísleg gögn og vinnu hans. Bubbi skoraði þar á alla  m.a. aðila undirheimanna, og þá sem haft gætu áhrif á að Hugleikur fengi aftur gögnin sín stuðluðu að því að svo yrði. og viti menn nokkrum dögum síðar barst harði diskur tölvu Hugleiks til þáttarins á Rás 2 og endurheimti Hugleikur því vinnu sína aftur. Það má því segja að Bubba hafi tekist það sem heilli ríkisstjórn hafði ekki tekist það er að fá þjófana til að skyla hluta af þýfinu aftur

    Image
    Bubbi á útgáfutónleikum í Hofi
    16. júní 2011 Bubbi og Sólskuggarnir með útgáfutónleika í Hofi, Akureyri í beinni á Rás 2. Sama dag var platan Ég trúi á þig komin í 1. sæti Íslenska sölulistans.

    17. júní 2011 Bubbi og Sólskuggarnir með tónleika á Akranesi.

    31. júní 2011 Bubbi kom fram á Þjóðhátíð í Eyjum að venju.

    20. ágúst 2011 Menningarnótt í Reykjavík og Bubbi ásamt Sólskuggunum koma fram á stórtónleikum Rásar 2. Ásamt fjölda annarra listamanna. Bubbi þótti ekki eiga sinn besta kvöld enda voru slæmska í hálsi að stíra honum. Fyrr um kvöldið hafði Bubbi einnig stígið á svið á 25 ára afmælistónleikum Bylgjunnar sem fram fór á Ingólfstorgi.

    20. september 2011 Bubbi heldur í tónleikaferð um landið undir yfirskriftinni Ég trúi á þig. Í þessum hluta ferðarinnar voru 10 tónleikar á suðvesturlandi og norðurlandi.  Byrjað var í Borgarfirði en endað á Sauðárkróki 2. október

    6. október 2011 Stórtónleikar í Háskólabíói með Bubba og Sólskuggunum, Síðbúnir útgáfutónleikar ef svo má segja. Gestir kvöldsins voru þau Greta Morthens og Berndsen.

    15. október 2011 Veikindi Bubba komu í veg fyrir að Bubbi kæmi fram á Airwaves í fyrsta sinn, að vísu sem gestur Brendsen en lag hans Úlfur úlfur hafði notið mikilla vinsælda eins og flestir muna.

    29. október 2011
    Veiðisögur Bubba koma út og að því tilefni var efnt til útgáfuteitis í Rafveituheimilinu í Elliðarárdalnum. Þar sem Bubbi tók einnig ein tvö lög fyrir gesti.

    Nóvember 2011 Bubbi byrjar að taka upp demó fyrir næstu plötu sem hlaut vinnuheitið Þorpið. Þegar þeim upptökum lauk seinnihluta desember voru 18 demó komin á band.

    4. nóvember 2011 Áframhald af tónleikaferð Bubba um landið undir yfirskrift síðustu plötu sinnar Ég trúi á þig. Í þessum legg ferðarinnar voru einir sex tónleikar haldnir og hófst leikurinn í Vík í Mýrdal en lauk í Hlégarði í Mos 13. nóvember.

    21. desember 2011 Bubbi efndi til Þorláksmessutónleika í Hofi á Akureyri. Uppselt var á tónleikana sem fengu jákvæðar undirtektir heimamanna.

    23. desember 2011 Árlegir Þorláksmessutónleikar í Háskólabíói í beinni útsendingu Bylgjunnar. Það þótti hátíð að ekki voru settar fréttir né auglýsingar ofan í tónleikana þetta árið. Elín Ey sá um að opna tónleikana með nokkrum lögum og var flott.  

     

Plötur

Rokkskífan
Rokkskífan

Eyđimerkurhálsar - Rúnar Ţór
Eyđimerkurhálsar - Rúnar Ţór

Blindsker - DVD
Blindsker - DVD

Bísinn á Trinidad - Siggi Björns
Bísinn á Trinidad - Siggi Björns

1972-2002 - Megas
1972-2002 - Megas


Forsíđa
Bubbi og Bó í Hofi
sunnudagur, 06 júlí 2014

Image

Í byrjun apríl s.l héldu Björgvin Halldórsson og Bubbi Morthens sameignlega tónleika í Eldborgarsal Hörpu og er skemmst frá því að segja að þeir fengu frábærar viðtökur.  Uppselt var á tvenna tónleika og var gaman að sjá hversu vel fólk skemmti sér.  Nú er komið að þvi að fara  með allan hópinn norður á Akureyri og er viðkomustaðurinn menningarhús þeirra Norðlendinga, Hof.

Lesa meira...
 
Tónlistin tilbúin en nafniđ ekki klárt
ţriđjudagur, 19 apríl 2011

Hvađ á platan ađ heita
Hvađ á platan ađ heita
Þó nokkur tími sé í að ný plata Bubba eigi að koma út er tónlistin samt tilbúin til útgáfu að sögn Bubba hér á spjallinu. Tólf lög og tvö í bónus sem gætu komið til ef mönnum sýnist svo. Nafn á gripinn hefur þó ekki verið ákveðinn en Bubbi segir nöfnin Sól, Háskaleikur og Seinasti dansinn vera inn í myndinni sem heiti á plötuna.

Þegar höfum við heyrt tvö þessara laga og bæði hafa þau fengið góðar viðtökur. Lagið Sól sem kom út á safnplötu Bubba fyrir síðustu jól og fékk talsverða spilun þá og svo Ísabella sem sest hefur á topp flestra vinsældalista landsins undanfarnar vikur. Maður greinir smá spennu í loftinu fyrir þessari plötu enda Bubbi þarna að vinna með nýjum mönnum og heila plötu í anda gömlu sálar söngvaranna en slíkt hefur ekki verið gert hér á landi áður með svo afberandi hætti. 

Þekktar staðreyndir.

  • Efniviður og útsetningar er Sálartónlist
  • Platan var tekin upp í Stúdíó Sýrland
  • Upptökur hófust í september 2010 og efnið klárt til útgáfu í apríl 2011
  • Meðspilarar Bubba eru Sólskuggarnir
  • Tvö laganna eru þekkt það eru lögin; Sól og Ísabella.
  • Platan kemur til með að innihalda 12 lög (+ 2 bónuslög sem eru klár og gætu dottið inn eða verið skilin eftir)
  • Plötuheitin Sól - Háskaleikur - Seinasti dansinn, koma öll til greina sem heiti plötunnar
  • Plata Bubba kemur út 6. júní 2011
 
Tónleikar
fimmtudagur, 06 febrúar 2014
Image
 
Jólin 2013
laugardagur, 21 desember 2013

Image

 
Ćsku minnar jól
sunnudagur, 24 nóvember 2013

Image"Æskujól Bubba - ein besta jólaplatan um langt árabil"

segir Pressan.is og gefur plötunni fjórar stjörnur.

 

 
Ţorláksmessutónleikar 2013
mánudagur, 21 október 2013
ÞORLÁKSMESSUTÓNLEIKAR BUBBA MORTHENS Í HÖRPU
ImageÞorláksmessutónleikar Bubba Morthens eru ómissandi liður í undirbúningi jóla hér á landi, hvort sem fólk mætir á sjálfa tónleikana eða hlustar á þá í útvarpi á meðan jólaundirbúningurinn er kláraður heima fyrir. Þessir tónleikar eru þeir 29undu í þessari einstöku, árlegu tónleikaröð en tónleikarnir fara nú fram í annað sinn í Eldborgarsal Hörpu.
 
BYLGJAN Í BEINNI FRÁ HÖRPU Á ÞORLÁKSMESSU

Að venju verður útvarpað frá tónleikunum á Bylgjunni og Bubbi mun halda sínar föstu hefðir með tímasetningu og hefjast tónleikarnir stundvíslega kl 22:00.

ÞORLÁKSMESSUTÓNLEIKARNIR AFTUR Á ÞREMUR STÖÐUM

Í fyrra var Bubbi með tónleika á Akureyri og Akranesi og er skemmst frá því að segja að uppselt var á Akureyri og vel mætt á Akranesi. Tónleikarnir á Akranesi verða 19. desember, 21. desember norðan heiða. Munu tónleikarnir á bæði Akranesi og á Akureyri verða með sama sniði og hinir venjubundnu þorláksmessutónleikar sunnan heiða.


MIÐASALA
Miðasala hefst á www.midi.is , www.harpa.is og www.menningarhus.is laugardaginn 19. október kl 12:00. Við hvetjum fólk til að tryggja sér miða í tíma því mikil ásókn er í þorláksmessutónleikana.

ÞAÐ SEM VERT ER AÐ VITA V/ 19. DESEMBER

-staðsetning Bíóhöllin Akranesi
-tímasetning kl 20:30
-húsið opnar kl 20:00
-miðasala www.midi.is og www.menningarhus.is
-miðaverð 3.900 kr
-sæti selt er í ónúmeruð sæti

ÞAÐ SEM VERT ER AÐ VITA V/ 21. DESEMBER

-staðsetning HOF
-tímasetning kl 20:30
-húsið opnar kl 20:00
-miðasala www.midi.is og www.menningarhus.is
-miðaverð 5.900 kr
-sæti selt er í númeruð sæti

ÞAÐ SEM VERT ER AÐ VITA V/ 23. DESEMBER

-staðsetning Harpa
-tímasetning kl 22:00
-húsið opnar kl 21:00 (Hleypt inn í sal kl 21:45)
-miðasala www.midi.is
-miðaverð 6.900 kr /4.900
-sæti selt er í númeruð sæti

Allar nánari upplysingar er að finna á www.prime.is Einnig má senda rafpóst á Ţetta netfang er variđ fyrir ruslpósti, ţú ţarft ađ hafa Javascript virkt til ađ skođa ţađ
 
<< Byrja < Fyrri 1 2 3 4 5 6 7 Nćsta > Endir >>

Úrslit 1 - 10 af 65

BMK er aðdáendaklúbbur Bubba Morthens.

Stofnaður 06.06.06
Hvernig gerast menn félagar í BMK?