Bubbi Morthens

TAKIÐ EFTIR

Bók Bubba Morthens Áin er komin út. Fæst í næstu bókaverslun. Bókinni fylgir einstök heimildarmynd um viðfangsefnið. Hér skiptir engu hvort þú er aðdáandi Bubba, Íslenskrar náttúru eða bara góðra sagna - Bók sem þú ættir að eiga.

Egóplatan 6. október er ekki mikið auglýst. En er engu að síður ein af betri rokkplötum ársins. Það sanna þau lög sem allt þetta ár hafa rúllað upp vinsældalistana.

Lagaleit

Tímalína

1990

4. janúar 1990 Blússveitin Blámakvartettinn með tónleika í Kjallara Keisarans við Laugarveg. Gestur kvöldsins var Bubbi Morthens. Blámakvartettinn skipuð þeim: HaraldurÞorsteinsson: Bassi, Björgvin Gíslason: Gítar, Ásgeir Óskarsson: Trommur og Pétur Hjaltisted: Hljómborð.
1996

7. janúar 1996 var Morgunblaðið með ýtarlegt viðtal við Bubba undir fyrirsögninni: Í draumi sérhvers manns er kona hans falin... Í viðtalinu er farið um víðan völl allt frá áhrifavöldum í tónlistinni, bækur og nýort ljóð Bubba, Bubbi lýsir skoðunn sinni á stöðunnar í íslenskri tónlist almennt og til trúmála.
2007

Janúar 2007 Netlistinn sem byggður er á sóttum og seldum lögum á Tónlist.is birtir lista yfir vinsælustu lögin 2006. Í efsta sæti listans sat lagið Með þér eftir Bubba Morthens í flutningi Ragnheiðar Gröndal. Fram kemur í frétt með listanum að yfir 2000 eintök hafi selst af þessu lagi frá því það kom út sumarið 2006.
1985

2. janúar 1985 hóf Bubbi upptökur fyrir væntanlega sólóplötu sem síðar fékk heitið Kona. Með honum í hljóðverinu var Tryggvi Herbertsson í hlutverki upptökustjóra og þá var Þorleifur Guðjónsson tíður gestur í hljóðverinu með bassann.
1976

1. nóvember 1976 kom Bubbi fram í fyrsta skipti einn með gítarinn. Það var á tónleikum Jazzvakningar í veitingahúsinu Glæsibæ, fyrir tilstuðlan Jónatans Garðarssonar. Frá þessu er greint í inngangi plötunnar Ég er (1991). Líklega hefur þetta verið 1. nóvember frekar en seinnihluta desember þegar Jazzvakning hélt sitt annað vakningarkvöld í Glæsibæ. Jónatan hafði þá nýverið sest í stjórn félagsins eftir aðalfund þar sem ný stjórn var kosin. Nafn Bubba kom þó ekki fram í auglýsingum fyrir tónleikana, enda óþekkt nafn með öllu á þessum tíma.

Plötur

Serbian flower

Samferða - Mannakorn

Næst á dagskrá

Ný spor

100 Íslenskir sumarsmellir

Forsíða

Fyrsta útgáfa ársins komin í búðir

þriðjudagur, 02 febrúar 2010

One More Day eftir Bubba og Óskar Pál

Fyrsta útgáfa ársins 2010 sem tengist Bubba kom út í dag og ætti að vera komin í verslanir. Þetta er platan Söngvakeppni Sjónvarpsins 2010. Óþarfi er að fjalla nánar um plötuna. En aðalkeppnin verður 16. febrúar n.k. í Ríkissjónvarpinu. Nánar um plötuna og lag þeirra Bubba og Óskar Páls í flutningi Jógvans má lesa í útgáfur ársins.

Kosningarslagurinn hafinn?

sunnudagur, 31 janúar 2010
Það virðist gæta nokkurs titrings meðal höfunda og keppenda fyrir úrslitakvöldið í Söngvakeppni sjónvarpsstöðva hér heima sem fram fer 16. febrúar n.k. Og maður spyr hvort keppnin sé að þróast í þá átt að hún minni mann á prófkjör stjórnmálaflokkanna þar sem menn reyna með öllum tiltækum ráðum að koma sér áfram. Þetta má m.a. sjá í skrifum í netheimum. Það sem margir virðasta hafa gert meira en upp eigin hug. Óbeðnir tjá menn sig þar um kvaða lag þeim finnist best og þeir ætli að kjósa.
Lesa meira...

Rætur - Tónleikaferð 2010

þriðjudagur, 19 janúar 2010

30 ÁRA ÚTGÁFUAFMÆLI BUBBA MORTHENS

Á þessu ári heldur Bubbi upp á 30 ára útgáfuafmæli sitt. Það var 17. júní árið 1980 að hann gaf út sína fyrstu plötu, Ísbjarnarblús. Þennan dag urðu straumhvörf í íslenskri tónlistarsögu því þarna var stiginn fram tónlistarmaður sem hefur án efa markað ein dýpstu og merkilegustu sporin í tónlistarsögu síðustu 30 ára. Enginn hefur verið eins afkastamikill og hann, enginn hefur selt jafn margar plötur og hann og enginn hefur haldið jafn marga tónleika og hann undanfarin 30 ár.

RÆTUR

Í tilefni þessara merku tímamóta hefur Bubbi ákveðið að fara aftur í ræturnar og heimsækja alla framhalds- og menntaskóla um allt land. Þar mun hann koma fram í hádeginu með kassagítarinn og spila nokkur lög af ferli sínum. Verður þetta hans framlag til unga fólksins á þessu merka ári á tónlistarferli sem fáir geta státað af. Hádegistónleikaröðin hefur hlotið nafnið Rætur og vísar beint i tilgang ferðarinnar, þ.e.a.s að fara aftur í ræturnar.

Lesa meira...

Þá vitum við það

sunnudagur, 17 janúar 2010

Völvan spáir yfirlýsingum frá Bubba

Á síðu DV getur að líta skemmtilega klausu sem við hreinlega verðum að fá að láni hér og hljóðar svo undir fyrirsögninni Bubbi og Völvan:
"Lag Bubba Morthens og Óskars Páls Sveinssonar, One more day, komst áfram í undankeppni Evróvisjón. Þar með aukast líkur á því að spádömur völvu DV frá því í síðasta mánuði um Bubba rætist.
Völvan spáði því hiklaust og ákveðið að Bubbi myndi sigra í Evróvisjón og lag hans yrði flutt sem framlag Íslands í Osló í vor. Til viðbótar sagði hún að kóngurinn yrði með stórar yfirlýsingar sem myndu vekja mikla athygli."

Þessi spádómur kemur manni hreinlega og algerlega í opna skjöldu. Bæði hvað varðar yfirlýsingagleðina og þá ekki síður Eurovision. Völvan veit sínu viti. Segiði svo að lífið sé ekki til að hafa gaman af því.

http://www.dv.is/sandkorn/2010/1/16/bubbi-og-volvan/

One more day

laugardagur, 16 janúar 2010

Höfunar lagsins One More Day

Undankeppni fyrir Söngvakeppni sjónvarpsins er á fullri ferð þessa dagana og óhætt að segja að þjóðin sé klofin í afstöðu til keppninnar. Meðan sumir elska allt sem henni tengjast og fylgjast grannt með henni finnst öðrum lítið til hennar koma.
Bubbi Morthens og Óskar Páll senda saman frá sér lag í keppnina í ár. Óskar Páll sem sigraði keppnina í fyrra þegar Jóhanna Guðrún söng Is it true er þekktur upptökustjóri og á farsælan feril í tónlistageiranum. Þeir Bubbi og Óskar Páll fengu Jógvan til að syngja lag sitt One more day. En lagið þeirra félaga var á dagskrá í kvöld. Fyrir aðdáendur keppninnar og Bubba viljum við benda hér á skemmtilega síðu á vef sjónvarpsins þar sem fjallað er um keppnina á ítarlegan hátt. Þar má m.a. heyra lögin sjá upptökur frá æfingum og viðtöl við höfunda. m.a. viðtal við þá Bubba og Óskar Pál.
Því má svo bæta við að um það leiti sem þetta var skrifað komst lag þeirra Bubba og Óskars Páls áfram úr undankeppninni í aðalkeppnina sem haldin verður 6. febrúar n.k.

Sjá vef Ríkissjónvarspins um Söngvakeppnina

Í hjarta mér á metið

föstudagur, 15 janúar 2010

Egóið með 8 lög á einu ári

Egóið hefur gert það gott á vinsældalistum allt frá því þeir settu í útvarpsspilun lagið Kannski varð bylting vorið 2009, í janúar 2009. Síðan þá hefur hvert lagið eftir annað ratað inn á lista yfir mest spiluðu lögin. Samtals hafa 8 lög með sveitinni ratað inn á vinsældalista. Það sem meira er að með Egóinu hefur Bubbi toppað alla fyrri smelli sína hvað setur á vinsældalistum varðar.

Lesa meira...

Meira...

<< Byrja < Fyrri 1 2 Næsta > Endir >>

Úrslit 1 - 10 af 12

Bubbi Morthens

Plötur

Lög og textar

Spjalltorg

Tímalína og molar

TAKIÐ EFTIR

Lagaleit

Tímalína

Plötur

BMK er aðdáendaklúbbur Bubba Morthens.