 Í þessum mola ætlum við að fjalla um hönnunina á nokkrum platna Bubba. Hönnun sem slík er ekkert aukaverk og oft á tíðum stórlega vanmetið þegar útgáfaur platna eru skoðaðar í heild sinni. Fæstir gagnrýnenduur hérlendis fjalla um þennan þátt útgáfuverksins. En hann getur skipt miklu máli eins og allar rannsóknir í þá veru gefa til kynna, þegar að markaðssetninguog sölu plötunnar kemur. Til eru plötur í sögunni þar sem albúmið er þekktara en efnið. Menn þekkja plötuna af umslginu, þó þeir geti ekki nefnt eitt einasta lag hennar. Má t.d. nefna bananaplötu Velvet Underground í því sambandi.
Það er að mörgu að hyggja þegar ráðist er í útlitshönnun platna. Það er ekki nóg að finna hentuga mynd, velja þarf letur, staðsetningu þess og hvar hvað skal sett inn og þar á að standa. Það er finna öllum texta sinn stað. Litasamsetning skiptir einnig miklu máli, því ákveðnir leturlitir falla illa að ákveðnum grunnlitum. Allt verður að passa sama eigi heildrænt samspil grunnlitar, myndar og leturs að nást og harmonera við það myndefni sem prýða á umslagið eigi á annað borð að nota mynd. Á plötum Bubba hefur þetta oft tekist vel og albúmið náð að lýsa innihaldinu vel, misvel þó. Jafnvel komið fyrir að umslagið gengur ekki. En við skulum velja nokkrar plötur nánast af handahófi, og þó því allar hafa þær sem hér eru taldar stærri jákvæða þætti en til að jafnræðis sé gætt eru mínusarnir teknir með. Enda ekkert hafið yfir gagnrýni sé hún sett upp með það að markmiði að menn vandi sig meira í framtíðinni.
Við horfum á heildina. Það er alla þá fleti þar sem mynd eða texta er að finna. Hvað er þar og hvað vantar. Við styðjumst ávalt við fyrstu útgáfu platnanna þó við nefnum hinar einnig aðeins í þessu samhengi. Við sleppum þó plötuhringjum því þeir eru og verða ávalt of lítill hluti verksins og skipta aldrei verulegum sköpum í heildarmyndinni. Þó á því séu vissulega til undantekningar, sér í lagi með tilkomu CD plötunnar. En hér eru plúsar og mínusar nokkurra platna Bubba séð með augum þess sem þetta ritar.
Bubbi – Ísbjarnarblús (1980)
 Hönnun nær til framhliðar og bakhliðar
Myndin af Bubba er vel heppnuð og nýtur sín vel á stóru LP umslaginu þar sem hann stendur ungur sperrtur reiður maður, við gráan ópússaðan múrvegginn og lýsir umslagið því nokkuð vel ópússaða orðfæri sem textar plötunnar hafa að geyma. Á umslaginu er að finna allar helstu grunnupplýsingar sem yfirleitt voru látnar fylgja á þessum árum og frumútgáfunni var textablaðið til staðar.
Mínusinn: Fiskafurðirnar sem eru að finna framan á umslaginu og eru látnar ganga yfir myndina af Bubba er óvitlaus hugmynd, úrvinnslan er samt hálf misheppnuð, Þess ber þó að gæta að á þessum tíma voru ekki komnar til sögunnar tölvur og forrit eins og Fotoshop eða Freehand. Þá skal tekið fram fyrir þá sem ekki þekkja til að frekar erfitt er að mynda matvæli svo vel sé, Er það fyrst og fremst litasamspil sem gerði þetta erfitt, þó linsur dagsins í dag séu mun fullkomnari. Textablaðinu var sleppt við endurútgáfu LP plötunnar og var það stór mínus því líklega var mikið stærra upplag plötunnar selt án þess en með. En kom þó sem betur fer aftur inn með CD útgáfunni. Þar er sá galli að sumar ef ekki flestar útgáfurnar er skorið ofan af B í nafni Bubba eins og sjá má á myndinni hér til hliðar.
Utangarðsmenn – Geislavirkir (1980)
 Geislavirkir eitt flottasta umslag rokksögunnar
Mínusinn: Á umslagi plötunnar eru engar upplýsingar að finna nema á meðfylgjandi textablaði. Það í sjálu sér er ekki mínusinn heldur hitt að þessu textablaði var sleppt við þó nokkrar endurútgáfu plötunnar. Líkt og á Ísbjarnarblús var það sett inn þegar platan kom út á CD. Reyndar verður sú hugmynd útgefenda að nefna lagið Sigurður var sjómaður eftir frumlaginu Laus og liðugur einnig að flokkast sem talsvert stór mínus. Það er ekkert að því að skilja á milli þessa lags og frumlagsins sem hefur allt annan texta með sitt hvoru lagaheitinu.
Bubbi – Plágan (1981)
 Engin plága hvað umslagið varðar 3d-ART
Mínusinn: Er kannski ekki stór en á textablaði LP plötunnar er textunum ekki raðað upp eftir þeirri röð sem lögin eru á plötunni. Fyrsti textinn á textablaðinu er til að mynda Plágan en platan hefst á laginu Segulstöðvarblús eins og allir vita. Þetta lagfærðist þó þegar CD útgáfa plötunnar kom.
Bubbi – Fingraför (1983)
 Eitt af mörgum velheppnuðum umslögum Bubba
Þá fær sú hugmynd að fylgja textum úr hlaði með smá umsögn Bubba stóran plús, þó Bubbi sé þar ekkert endilega að segja frá tilurð laga í smáatriðum.
Mínusinn: Fær hönnuðurinn Sveinbjörn fyrir það eitt að sleppa eftirnafni sínu á bakhliðinni en fyrir hönnun umslags eru þeir skráðir Sveinbjörn og Bubbi. Hvaða Sveinbjörn?
Bubbi – Kona (1985)
 Hluti bakhliða CD og LP platnana
Mínusinn: Ekki veit ég hvort það sé rétt hjá mér en uppsetning og frágang á Jens Guð Sem þéttskrifar bakhlið LP plötunnar með upptalningu laga, Hljóðfæraleikara og upptökuupplýsingum, þakkarkveðjum og tileinkun plötunnar. Sumt af þessu var að finna á textablaðinu og hefði mátt létta bakhliðina. Þó þetta sleppi allt til varð að gera breytingar á þessari hlið við CD útgáfuna enda textamálið handskrifað og hefði líklega verið ólæsilegt á svo litlum fleti sem CD platan er.
Þá er hljóðfæraskipan hallærislega sett fram (á LP plötunni) þar sem menn eru skráðir fyrir ástætti og snerli, afsakið orðbragðið en hvar eru fjandans trommurnar? Reyndar er þessu bjargað fyrir horn á textablaðinu sem fær plús því þar má finna upplýsingar um hver leikur í hverju lagi fyrir sig.
Bubbi - Frelsi til sölu (1986)
 Frumhönnunin eftir Jens Guð fyrir ofan, en fór ekki inn á LPplötuna
Mínusinn: Frelsi til sölu ekki vel hannað umslag á heildina litið og eru það nokkur léttvæg smáatrið sem valda því, þessi atriði safnast saman og skemma heildina. Því þessi smáatriði ná að pirra hönnuðinn í manni. Byrjum á myndinn sjálfri sem er höfð svo langt til vinstri að klippt er af fingrum Bubba þeim megin á umslaginu. Þá er það letrið: Tvær línur, sú efri með nafni Bubba í hvítum grunni sú neðri svartir stafir meðheiti plötunnar. Báðar línurnar eru hallandi og á milli þeirra ganga tvær línur frá sitthvorum enda umslagsins og fram yfir letur. Þarna vantar svolítið í vönduðu vinnubrögðin Þessi þrir atburiðir passa hvergi saman í upphafi eða enda sínum. Þeir slútta ekki hver við annan. Hvorki í halla né í beinni línu hver niður af öðrum. Það munar að vísu ekki miklu, og kannski almenningur taki aldrei eftir þessu en þó eru til næm augu sem greina þetta vel. Til að skýra þetta fyrir einhverjum þá má segja að neðri textalínan sem er heiti plötunnar slútta ekki við efri línuna sem er nafn flytjandans og hvorug textalínan passar við línuna sem dregin er frá hægri hlið inn á þá vinsti.
Hvert er markmiðið með bakhlið plötunnar, hnettir og stjörnur og geimflaugar? Engin sprengja þar! Með plötunni fylgdi einblöðungur. þar sem mannréttindayfirlýsingu Sameinuðu þjóðanna og Fantasíu um hvalinn eftir Kjarval er klínt yfir andlitsmynd af Bubba sem líklega var tekin á tónleikum á afmæli Reykjavíkurborgar fyrr á árinu. Bæði mannréttindayfirlýsingin og fantasían eru fínar hugmyndir og hefðu bara mátt standa án þess að vera gerðar hálfgegnsæjar og án þess að hafa Bubba á bakvið sig og gera þannig textamálið illlæsanlegt. Hinu megin á blaðinu er sömu sögu að segja. Það er þar er hlutum troðið yfir andlit Bubba þó án þess að gera þá gegnsæja og enn er óþarfi að hafa þessa mynd af Bubba á bakvið. Þar eru þó að finna einu gagnlegu upplýsingarnar það er það er hverjir leika í hvaða lögum. Stóran mínus fær þessi plata fyrir að egnir textar fylgdu henni á sínum tíma. Á þessum árum var Bubbi textahöfundur sem sagðist hafa mikið að segja og átti því að leggja metnað í að leyfa okkur að lesa það einnig. Ég vona þó að Jens Guð. fyrirgefi mér þessar athugasemdir enda drengur góður. Og enn og aftur skulum við vera minnug þess að engar tölvur og Fotoshop voru komnar í hendur Jens Guð á þessum tíma.
Bubbi - Hver er næstur
 Þarna mætast útlit og innihald vel
Það er óhætt að segja að albúmið magnar áhrif lagsins og sá maður á við alvarlegan tilfingardoða að stríða sem ekki verður snortinn af þessu tvennu saman það er texta lagsins og umslaginu. Gífurlega sterk mynd við þennan texta og samræmist vel titillagi plötunnar. Það þarf ekki alltaf að vera flókið að búa til flott umslag hafi maður aðgang að góðum ljósmyndara eins og þarna er. Blómin í götunni undirstrika að sorglegur atburðurinn gleymist ekki. Því einhver hefur haft fyrir því að ganga götuna þar sem hin sorglegi atburður átti sér stað og lagt blóm þar til minningar um atburin.
Mínusinn: Er að ekki eru textablað og upplýsingarskortur verður áþreifanlegur. Hvar var platan tekin upp og hvenær? Er Bubbi ekki meðlimur Blómsins? Hann er ekki nefndur í lista þeirra sem taldir eru upp sem meðlimir Bubba og blómsins. Myndin á bakhliðinni er ofgerð þar sem rauður leikfangabíll friðarmerki og gerviblóm í leðurgrunni leika stór hlutverk. Skilaboðin voru á A-hliðinni og hefði mátt gera hinum tveim lögum plötunnar tilvísun með bakhliðinni.
Bubbi – Von
 Flott framhlið, óskyljanleg bakhlið
Mínusinn: Bakhliðin er aftur á móti hálfmisheppnað og eins og þar hafi bara verið gert eitthvað til að gera eitthvað. Sítróna? óskiljanlegt það er ekkert súrt við þessa plötu. Þar hefi mátt vanda betur til verka. Sama má segja um kjöl plötunnar sem er þrílitur.
Hér höfum við aðeins tekið fyrir nokkrar platna Bubba frá fyrri hluta ferilsins. Cera má að einhverjir séu á annar skoðun varðandi ýsma þætti sem nefndir eru. Það er bara hið besta mál.
Það getur verið nokkuð gaman að sökkva sér í það andartak að hugsa “Hvað er það sem er að hrífa mig” eða öfugt. Það er líka stundum eitthvað sem pirrar augað án þess að við hugsum út í það. En vonandi hafa einhverjir haft gagn og gaman af þessum mola, sem er fyrst og fremst unnin til að sýna fram á að hönnun plötuumslags er ekki bara eitthvað, Heldur nákvæmnisverk þar sem huga þarf að öllum þáttum eigi útkoman að verða mönnum til ánægju.
PS: Það skal tekið fram að hér er aðeins um persónulegt mat að ræða og viðkomandi er alls ómenntaður á þessu sviði. En það er þó innan áhugasviðsins.
|
Undir valmyndinni Plötur finnur þú allar plötur Bubba frá upphafi ásamt myndum af plötalbúmum, lista yfir lög og texta.
Í gagnagrunninum okkar eru öll lög og textar Bubba. Notaðu leitina til að finna það lag sem þú ert að leita að.
Taktu þátt í umræðunum á spjalltorginu. Athugaðu að þú verður að vera innskráður til að hafa aðgang.
Undir valmyndinni tímalína er rakin saga Bubba. Undir Molar eru margir skemmtilegir pistlar.
6. júní 1956 Fæddist í Reykjavík, yngstur fjögurra bræðra, Ásbjörn Kristinsson Morthens, fljótlega festist við hann nafnið Bubbi. Hann ólst upp í Vogahverfinu, móðir hans var dönsk, faðir hans hálf norskur. Í Vogunum kynntist hann strákum eins og Einari Má Guðmundssyni, Friðrik Þór Friðrikssyni og Agli Ólafssyni. Mestan hluta bernsku sinnar átti Bubbi heima hérlendis, en bjó þó um tíma í Danmörku og gekk þar í skóla. Á þeim tíma uppgötvaðist að Bubbi var haldinn skrifblindu, en hún hafði verulega hamlað skólagöngu hans heima á Íslandi. Um 1973 snýr Bubbi til Íslands á ný. Hann leggur þá frekari skólagöngu á hilluna og gerist farandverkamaður og verbúðaþræll. Allt fram til 1980. Fyrsta gítarinn sinn eignaðist Bubbi ungur og fylgdi hann honum hvert sem hann fór.
