| 
Innskráning

Plötur

isbjarnarblusUndir valmyndinni Plötur finnur þú allar plötur Bubba frá upphafi ásamt myndum af plötalbúmum, lista yfir lög og texta. 

Lög og textar

bubbi_og_megasÍ gagnagrunninum okkar eru öll lög og textar Bubba. Notaðu leitina til að finna það lag sem þú ert að leita að.

Spjalltorg

login-minTaktu þátt í umræðunum á spjalltorginu. Athugaðu að þú verður að vera innskráður til að hafa aðgang.

Tímalína og molar

3-heimarUndir valmyndinni tímalína er rakin saga Bubba. Undir Molar eru margir skemmtilegir pistlar.
Image

Sjá Pistla Bubba

HÉR

Lagaleit

Tímalína

  • 8. janúar 2000 hafði útgáfustjóri Skífunnar Friðþjófur Sigurðsson samband við Bárð Örn Bárðarson og fékk hann til starfa á ný, Verkaefnið var safnplata með Utangarðsmönnum. Áætlunin: Öll útgefin lög sveitarinnar sem gefin hafa verið út á plötu en ekki enn komið út á CD. Mánuði síðar var stefnunni breytt að ósk Bárðar þar sem of mörg lagana yrðu þá bæði á ensku og íslensku. Því var sett upp það sem kallast yfirlitsplata, en þó með áherslum á að koma sem flestum laga sveitarinnar á CD.
     

  • Image
    Bubbi í hljóđveri viđ upptökur
    Janúar 2011 Bubbi er við upptökur nýrrar sólóplötu ásamt sveit sem kallar sig Sólskuggana. Auk þess sem hann var að semja efni og byrja undirbúning á að taka upp plötu með jólalögum.

    14. janúar 2011 Bubbi setur í spilun lagið Strákarnir okkar sem tileinkað var Íslenska landsliðinu í handbolta sem þá var að taka þátt í heimsmeistaramóti. Lagið var þó ekki fyrr komið í spilun en allt fór á verri veg. Því eftir að hafa unnið alla leiki sína í undariðli tapaði liðið öllum leikjum sínum í milliriðli og spilaði loks um 5. sæti í úrslitum.

    2. mars 2011 Bubbi mætti í hljóðstofu Bylgjunnar hjá Rúnari Róberts sem spjallaði aðeins við hann um væntanlega plötu. þar var og frumflutt lagið Ísabella af væntanlegri ,,Soul" plötu Bubba. 

    16. mars 2011 Bubbi og félagar leggja lokahönd á Enginn vill elska feita stelpu, í stúdíó Sýrlandi. Það var eitt laga hans næstu plötu.

    7. apríl 2011 Lagið Ísabella fer á toppinn yfir mest spiluðu lögin á Íslandi. En talsverður tími var þá síðan Bubbi hafði sem sólóisti átt lag á toppi þess lista.

    5. maí 2011 Blik þinna augna fer í spilun útvarpsstöðva og sölu á tónlist.is. Þriðja lagið af væntanlegri plötu Bubba og Sólskugganna.

    2. júní 2011 Bubbi boðar í pistli sínum á Pressan.is að hann komi ekki til með að spila í Hörpu meðan ríkjandi stjórn sitji þar. Ástæðuna rakti Bubbi í umræddum pistli. Tóku fleiri tónlistarmenn undir þá yfirlýsingu og nokkrir aðdáendur Bubba einnig. Bubbi gagnrýndi val á tónlistarfólki sem kom fram á opnunarhátíð Hörpu og fannst honum heldur hallað á þá sem fremstir stóðu í íslenskri popptónlist. Þá gagnrýndi hann ýmsa þætti er varða rekstur hússins og þá skilmála sem tónlistarmenn verða að undirgangast til að fá að spila í húsinu.

    6. júní 2011 Formlegur útgáfudagur plötunnar Ég trúi á þig. Platan var þó boðin á tónlist.is tveim dögum fyrr. Og komst ekki í verslanir fyrr en 2. dögum eftir útgáfudag. En Færibandið var á dagskrá þetta kvöld og þar ræddi Óli Palli við Bubba og saman renndu þeir í gegnum plötuna og ræddu um hana milli laga. Þátturinn hafði verið tekinn upp nokkru áður því Bubbi eyddi afmælisdeginum ásamt fjölskyldu í Kaupmannahöfn.

    14. júní 2011 Bubbi gerist meðstjórnandi í þætti Rásar 2. Virkir morgnar í eina viku og er þar með Gunnu Dís.  Meðal þess sem fram kom í fyrsta þættinum var að ýmsu hafði verið stolið frá Hugleiki Dagssyni m.a. fartölvu sem innihélt margvísleg gögn og vinnu hans. Bubbi skoraði þar á alla  m.a. aðila undirheimanna, og þá sem haft gætu áhrif á að Hugleikur fengi aftur gögnin sín stuðluðu að því að svo yrði. og viti menn nokkrum dögum síðar barst harði diskur tölvu Hugleiks til þáttarins á Rás 2 og endurheimti Hugleikur því vinnu sína aftur. Það má því segja að Bubba hafi tekist það sem heilli ríkisstjórn hafði ekki tekist það er að fá þjófana til að skyla hluta af þýfinu aftur

    Image
    Bubbi á útgáfutónleikum í Hofi
    16. júní 2011 Bubbi og Sólskuggarnir með útgáfutónleika í Hofi, Akureyri í beinni á Rás 2. Sama dag var platan Ég trúi á þig komin í 1. sæti Íslenska sölulistans.

    17. júní 2011 Bubbi og Sólskuggarnir með tónleika á Akranesi.

    31. júní 2011 Bubbi kom fram á Þjóðhátíð í Eyjum að venju.

    20. ágúst 2011 Menningarnótt í Reykjavík og Bubbi ásamt Sólskuggunum koma fram á stórtónleikum Rásar 2. Ásamt fjölda annarra listamanna. Bubbi þótti ekki eiga sinn besta kvöld enda voru slæmska í hálsi að stíra honum. Fyrr um kvöldið hafði Bubbi einnig stígið á svið á 25 ára afmælistónleikum Bylgjunnar sem fram fór á Ingólfstorgi.

    20. september 2011 Bubbi heldur í tónleikaferð um landið undir yfirskriftinni Ég trúi á þig. Í þessum hluta ferðarinnar voru 10 tónleikar á suðvesturlandi og norðurlandi.  Byrjað var í Borgarfirði en endað á Sauðárkróki 2. október

    6. október 2011 Stórtónleikar í Háskólabíói með Bubba og Sólskuggunum, Síðbúnir útgáfutónleikar ef svo má segja. Gestir kvöldsins voru þau Greta Morthens og Berndsen.

    15. október 2011 Veikindi Bubba komu í veg fyrir að Bubbi kæmi fram á Airwaves í fyrsta sinn, að vísu sem gestur Brendsen en lag hans Úlfur úlfur hafði notið mikilla vinsælda eins og flestir muna.

    29. október 2011
    Veiðisögur Bubba koma út og að því tilefni var efnt til útgáfuteitis í Rafveituheimilinu í Elliðarárdalnum. Þar sem Bubbi tók einnig ein tvö lög fyrir gesti.

    Nóvember 2011 Bubbi byrjar að taka upp demó fyrir næstu plötu sem hlaut vinnuheitið Þorpið. Þegar þeim upptökum lauk seinnihluta desember voru 18 demó komin á band.

    4. nóvember 2011 Áframhald af tónleikaferð Bubba um landið undir yfirskrift síðustu plötu sinnar Ég trúi á þig. Í þessum legg ferðarinnar voru einir sex tónleikar haldnir og hófst leikurinn í Vík í Mýrdal en lauk í Hlégarði í Mos 13. nóvember.

    21. desember 2011 Bubbi efndi til Þorláksmessutónleika í Hofi á Akureyri. Uppselt var á tónleikana sem fengu jákvæðar undirtektir heimamanna.

    23. desember 2011 Árlegir Þorláksmessutónleikar í Háskólabíói í beinni útsendingu Bylgjunnar. Það þótti hátíð að ekki voru settar fréttir né auglýsingar ofan í tónleikana þetta árið. Elín Ey sá um að opna tónleikana með nokkrum lögum og var flott.  

     

  • Janúar 2007 Netlistinn sem byggður er á sóttum og seldum lögum á Tónlist.is birtir lista yfir vinsælustu lögin 2006. Í efsta sæti listans sat lagið Með þér eftir Bubba Morthens í flutningi Ragnheiðar Gröndal. Fram kemur í frétt með listanum að yfir 2000 eintök hafi selst af þessu lagi frá því það kom út sumarið 2006. 
     

  • Vorið 1979 hóf Bubbi störf í Kassagerð Reykjavíkur og kynntist þeim bræðrum Danny og Mike Pollock, sem síðar stofnuðu með honum hljómsveitina Utangarðsmenn.

  • 19761. nóvember 1976 kom Bubbi fram í fyrsta skipti einn með gítarinn. Það var á tónleikum Jazzvakningar í veitingahúsinu Glæsibæ, fyrir tilstuðlan Jónatans Garðarssonar. Frá þessu er greint í inngangi plötunnar Ég er (1991). Líklega hefur þetta verið 1. nóvember frekar en seinnihluta desember þegar Jazzvakning hélt sitt annað vakningarkvöld í Glæsibæ.  Jónatan hafði þá nýverið sest í stjórn félagsins eftir aðalfund þar sem ný stjórn var kosin. Nafn Bubba kom þó ekki fram í auglýsingum fyrir tónleikana, enda óþekkt nafn með öllu á þessum tíma.

Plötur

Svefnvana
Svefnvana

Pottţétt hinsegin
Pottţétt hinsegin

Icebrakers
Icebrakers

Blindsker - Saga Bubba Morthens
Blindsker - Saga Bubba Morthens

Aftur til fortíđar 70-80
Aftur til fortíđar 70-80


Forsíđa
Íslensku tónlistarverđlaunin 2011 PDF Prenta Tölvupóstur

Image
íslensku tónlistarverđlaunin 2011
Búið er að birta tilnefningar til íslensku tónlistarverðlaunana 2011. En þær voru opinberaðar í Gamla bíói 16. desember s.l. Bubbi er þar tilnefndur í tveim flokkum. Sem söngvari ársins vegna plötunnar Ég trúi á þig og vegna sömu plötu er hann tilnefndur sem lagahöfundur ársins.Þetta verður að teljast eðlilegt því sjaldan hefur Bubbi sungið jafn vel og á þessari plötu. Þá verða lagasmíðarna einnig að teljast sterkar en þar hefur nú styrkur Bubba verið í svo ótal skipti.

Það er þó viðbúið að róðurinn verði erfiður enda margt góðra gripa í boði í báðum flokkum. en hér má sjá hvernig þeir flokkar líta út. (fengið af síðu iston.is)

LAGAHÖFUNDUR ÁRSINS (Popp, rokk)

Bubbi Morthens - Hefur lengi verið í fremstu röð lagahöfunda Íslands. Á þessu ári gerði hann plötuna Ég trúi á þig, með lögum í anda "Soul" tónlistarinnar sem fellur vel að hans stíl.

Lay Low - Fyrir fyrstu alvöru íslensku plötuna hennar þar sem lög eru samin við ljóð íslenskra kvenskálda

Mugison - Fyrir frábær lög á íslensku sem hafa stimplað sig rækilega inn í þjóðina

Of Monsters And Men - Fyrir sterka innkomu í íslenskt tónlistarlíf með fersku og grípandi þjóðlagapoppi á plötunni My Head Is An Animal

Sóley - Fyrir lögin á plötunni We Sink sem er ein af betri jaðarpoppplötum ársins


SÖNGVARI ÁRSINS (Popp, rokk, jazz og blús)

Bubbi Morthens - Í nýjustu plötu Bubba felst áskorun sem hann stenst fullkomlega og vex sem söngvari. Soulið fellur vel að rödd Bubba og Bubbi vel að soulinu.

Daníel Ágúst Haraldsson - Fyrir söng með GusGus á plötunni Arabian Horse og á sviði með hljómsveitinni. Daníel hljómar betur með sveitinni en nokkru sinni áður

Högni Egilsson - Fyrir söng með GusGus á plötunni Arabian Horse og á sviði með hljómsveitinni. Rödd Högna bætir miklu við hljóm sveitarinnar

Mugison - Fyrir söng á plötunni sinni Haglél og minnisverða sviðsframkomu

Sigurður Guðmundsson - Fyrir frammistöðu sína á ýmsum hljómplötum og tónleikum í ár, m.a. fyrir tónleika með Sinfóníuhljómsveit Íslands ásamt Sigríði Thorlacius

Valdimar Guðmundsson - Fyrir sterka innkomu í tónlistarsenuna á árinu 2011. Hljómsveitin Valdimar hefur átt góðu ári að fagna, þá söng hann titillagið í Okkar eigin Osló og endar árið með útgáfu á plötunni Fjarlæg nálægð þar sem hann og Björgvin Ívar Baldursson vinna saman í fyrsta sinn.

 
< Fyrri   Nćsti >

BMK er aðdáendaklúbbur Bubba Morthens.

Stofnaður 06.06.06
Hvernig gerast menn félagar í BMK?