| 
Innskráning

Plötur

isbjarnarblusUndir valmyndinni Plötur finnur þú allar plötur Bubba frá upphafi ásamt myndum af plötalbúmum, lista yfir lög og texta. 

Lög og textar

bubbi_og_megasÍ gagnagrunninum okkar eru öll lög og textar Bubba. Notaðu leitina til að finna það lag sem þú ert að leita að.

Spjalltorg

login-minTaktu þátt í umræðunum á spjalltorginu. Athugaðu að þú verður að vera innskráður til að hafa aðgang.

Tímalína og molar

3-heimarUndir valmyndinni tímalína er rakin saga Bubba. Undir Molar eru margir skemmtilegir pistlar.
Image

Sjá Pistla Bubba

HÉR

Lagaleit

Tímalína

  • 30. janúar 1982 fékk Bubbi Magnús Stefánsson, fyrrum meðlim Utangarðsmanna og síðar Bodies, til að setjast við trommusett Egosins í stað Jóa ,,Motorhead“. En pressan skrifaði að til hafi staðið að Maggi færi að spila með Brimkló. Maggi hvorki neitaði né staðfesti þær sögusagnir.
     

  • 16. febrúar 2001 Skemmti Bubbi gestum á Pizza 67 í Hafnarfirði.  
     

  • 2.  janúar 1985 hóf Bubbi upptökur fyrir væntanlega sólóplötu sem síðar fékk heitið Kona. Með honum í hljóðverinu var Tryggvi Herbertsson í hlutverki upptökustjóra og þá var Þorleifur Guðjónsson tíður gestur í hljóðverinu með bassann. 

  • 5. janúar 2009 Óhætt er að segja að ástandið í Íslensku samfélagi hafi ekki verið burðugt í þessum fyrsta mánuði ársins. Bubbi sem í árslok 2008 hafði kvatt þjóðina til að standa saman hafði nú snúið við blaðinu þar sem honum fannst ráðamenn langt frá því standa sig í aðgerðum til bjargar almenningi og mætti á morgni 5. janúar hjá Óla Palla á Rás 2 og stuttu síðar hjá Ívari á Bylgjunni með nýtt lag “Kannski varð bylting vorið 2009”

  • 4. janúar 1991 fyrstu listi ársins yfir söluhæstu plöturnar birtur í DV og Sögur af Landi enn í toppsætinu. Sömu sögu var að segja 11. janúar og þá vikuna var lagið Haltu mér fast, sem Bubbi söng á plötu Mannakorns í efsta sæti yfir vinsælustu lögin.
     

Plötur

Veiđisögur
Veiđisögur

Sjómenn Íslenskir erum viđ
Sjómenn Íslenskir erum viđ

Pottţétt gospel
Pottţétt gospel

Loftmynd - Megas
Loftmynd - Megas

Í mynd
Í mynd


Forsíđa
Bubbi um Ţorpiđ PDF Prenta Tölvupóstur

Image
Ţorpiđ 2012 klárt
Ég hef verið við upptökur undanfarið að taka upp lög fyrir plötu sem kemur út núna í vor. Platan mun heita „Þorpið“ og lögin á plötunni mörg hver fjalla að einhverju leiti um horfinn tíma og þá staðreynd að sum þorp eru að hverfa. 

Tónlistarstíllinn er afturhvarf í rótina þar sem þjóðlagahefðin svífur yfir vötnum. Sumir myndu jafnvel segja „Kántrý“ en þá myndi ég svara humm, kannski rótar kántrý alveg aftur í Woody Guthre. En þetta er smá bland í poka. 

Fólkið sem spilar með mér og vinnur þessa plötu er nokkurn veginn það sama og vann með mér „Ég trúi á þig“ nema nú bætist við vinur minn til margra ára, Gummi P. og finnskur harmonikkuleikari, Matti Kallio, tel ég hann klárlega einn þann besta sem hefur spilað hér á landi á nikku en tekið skal fram í þetta sinn að enginn er blástur. Þarna eru líka lög sem fjalla um ótta minn: „Foreldri“. Um sára reynslu okkar hjóna svo dæmi sé tekið. Á þessari plötu spila ég meira á gítar en ég hef gert í áratugi. 

Ég fór fyrsta sinn út á land sem ungur maður árið 1973 og í sjö ár þvældist ég þorp úr þorpi og varð aldrei samur eftir það. Í raun eru þorpin mér óendanlega kær og mikilvæg. Þó svo ég fjalli að einhverju leiti um tíma sem er að hverfa þá fjallar platan líka um vonina. Um unga parið sem kýs að vera kyrrt því þau trúa á þorpið sitt. Þorpin okkar hafa mörg hver þurft að taka á sig ótrúlega skelli í áranna rás en flest hafa aðlagað sig og haldið áfram á meðan að önnur eru að hverfa ofan í svörðinn. 

Einfaldleikinn var leiðin sem var valin í þetta sinn, en trúið mér, það kostar mikla vinnu og pælingar að gera þannig plötu. Þannig er ég enn og aftur að finna hversu heppinn ég er með samstarfsfólk. Daði, Börkur, Kiddi, Ingi Björn, Kristjana Stefáns og Bjarki eru kjarninn sem vinnur þessa plötu og hann er magnaður. Við ákváðum að fara leið, þá leið að taka plötuna upp beint. Allir settust á sinn stað og síðan var talið í og lagið tekið upp. Þannig vinnuferli finnst mér vera frelsi. Ég trúi á augnablikið og fanga galdurinn og mín tilfinning er að þessi plata sé galdur hvað þetta viðkemur.

PS. allt var þetta filmað þannig að DVD diskur mun fylgja með.

 
< Fyrri   Nćsti >

BMK er aðdáendaklúbbur Bubba Morthens.

Stofnaður 06.06.06
Hvernig gerast menn félagar í BMK?