| 
Innskráning

Lagaleit


Dögun PDF Prenta Tölvupóstur
Lag og texti: Bubbi Morthens

Ef dagurinn í dag væri lagður
með draumum sínum frá í gær.
Sem fórn í þinn faðm og sagður
færa það ókomna nær.

Ef ástin og sorgin eru systur
sem sverja þér tryggð og lofa.
Á krossinum vísast verðurðu kysstur
ef þú vakir meðan aðrir sofa.

Þitt nafn þekur eina ævi
endalaust, það merkir ekki neitt.
Svar mitt glaður ég gæfi
gæti ég einhverju breytt.

Þín móðir fann sér félaga við hafið
og í fangi hans öruggan heim.
Því æsku sína í sandinn hafði grafið
sína tungu og slavneska hreim.

Þegar skuggarnir í dögun dansa
og dagurinn kemst ekki inn.
Þá flétta gamlar konur kransa
á kumblið gráta í annað sinn.

Lagið má finna á eftirtöldum útgáfum
Bubbi - Dögun (1987)
 

BMK er aðdáendaklúbbur Bubba Morthens.

Stofnaður 06.06.06
Hvernig gerast menn félagar í BMK?