| 
Innskrßning

Lagaleit


╔g minnist ■Ýn PDF Prenta T÷lvupˇstur
Lag og texti: Bubbi Morthens

Þegar augu þín opnast sé ég
ásýnd dauðans speglast þeim í.
Ég sá rauðan himin rifna í tvennt
og ryðgaðar hendur þungar sem blý.

Ég sat við rúm þitt og þagði með þér
þjakaður af myndum í huga mér.
Þú sagðist trúa og trú þín var sterk.
Ég trúði aldrei á kraftaverk.

Ég sá brimhvítan sársaukann svæfa þig
soga þig út á djúpin blá
ég sá skugga skríða yfir andlit þitt
skilja augun ljósinu frá.

Menn segja minningar séu hjartans hilling
handrit töpuð skrifuð upp á ný
og árin renna með straumnum stríða
stillur hugans sökkva svo í.

Ég sat við rúm þitt og þagði með þér
þrúgaður af myndum í huga mér.
Þú sagðist trúa og trú þín var sterk.
Ég trúði aldrei á kraftaverk.

Þegar augu mín opnast sé ég
ævi þína renna þeim hjá.
Stundum finnst mér ég heyra hlátur
og hjarta mitt fyllist af ljúfsárri þrá.

Ég minnist þín-
ég minnist þín.

Lagið má finna á eftirtöldum útgáfum
 

BMK er aðdáendaklúbbur Bubba Morthens.

Stofnaður 06.06.06
Hvernig gerast menn félagar í BMK?