| 
Innskrßning

Lagaleit


Hafi­ er ruslakista ■eirra rÝku PDF Prenta T÷lvupˇstur
Bubbi - 3 heimar
3 heimar 1994
Lag og texti: Bubbi Morthens

Hafið er ruslakista þeirra ríku
regnskógunum bráðum eytt
návist dauðans þú finnur í fréttum.
Friður er orð sem þýðir ekki neitt
hungur er "hjálpum þeim" lagið
sem heiminum gat ekki breytt.
Kvölin er kúgun þeirra snauðu
sem var það eina sem Kristur gat veitt.

Þegar sársaukinn syngur vögguljóð
og slekkur í börnum lífsins glóð
þá setjum við aura í bauk
þá setjum við aura í bauk.

Íslendingar eru bláeyg börn
sem brosandi saklaus sér leika
en amerísk börn hafa byssugreind
stálið dýrka og dauðann þau teika.
Rauði björninn er hrumur á hormónagjöf
á hækjum frekar illa til reika.
Kvölin er kúgun þeirra snauðu
sem kunna ekki þá list að feika.

Veröldin er heimur á heljarþröm
af heimsku og illsku er meira en nóg
samt trúi ég á máttinn og mannkynið
menningu listir og lífsins gró.
Vonin er heilög, henni vil ég planta
í hjarta þitt bróðir, já heilum skóg.
Um Krist veit ég vissulega lítið
en ég veit fyrir hvað hann dó.

Lagið má finna á eftirtöldum útgáfum
 

BMK er aðdáendaklúbbur Bubba Morthens.

Stofnaður 06.06.06
Hvernig gerast menn félagar í BMK?