| 
Innskráning
Image

Sjá Pistla Bubba

HÉR

Lagaleit

Plötur

Spilađu lag fyrir mig - Valgeir Guđjónsson
Spilađu lag fyrir mig - Valgeir Guđjónsson

Rás 4
Rás 4

Myndbandalög - VHS
Myndbandalög - VHS

Eyđimerkurhálsar - Rúnar Ţór
Eyđimerkurhálsar - Rúnar Ţór

Englaryk í tímaglasi - Megas
Englaryk í tímaglasi - Megas


Egó PDF Prenta Tölvupóstur

Egó - Breyttir tímar í mynd

ImageÞegar minnst er á hljómsveitina Egó er það varla hægt nema Utangarðsmenn komi þar við sögu, enda saga sveitanna samofin sterkum böndum, því um tíma voru þrír meðlimir síðarnefndu sveitarinnar meðlimir Egósins. Það má segja að með Utangarðsmönnum hafi einstaklingarnir orðið þekktir, en með Egóinu urðu þeir vinsælir. Það nægir í þessu sambandi að nefna að fyrsta plata Egósins sat lengur á topp 10 yfir söluhæstu plötur landsins en allar plötur Utangarðsmanna áður samanlagt. Eða eins og einn aðdáandi orðaði það: Egóið? -hún var æðisleg, Utangarðsmenn? -ég var skíthrædd við þá.


ImageÞegar Bubbi hafði sagt skilið við Utangarðsmenn haustið 1981 stóð hann einn eftir. Aðrir meðlimir héldu áfram samstarfi sínu undir nýju nafni. Bergþór Morthens, bróðir Bubba og æskufélagi þeirra Þorleifur Guðjónsson bassaleikari voru að fikta við tónlist í kjallaraíbúð í vesturbænum. Bubbi leit þar við og út frá því innliti varð hljómsveitin til, en nafngiftin var bein tilvitnun í þær sögusagnir að Bubbi væri eitt stórt ,,ego”.

Image
Maggi trommar
Trommari var ráðinn Jói ,,Mótorhed” auk gítarleikarans Ragnars Sigurðssonar (áður í Tívolí) er sveitin hélt í jómfrúarferð sína um landið. En þeir voru báðir horfnir á braut er fyrsta afurð sveitarinnar var hljóðrituð. Þá var genginn til liðs við bandið Magnús Stefánsson fyrrum trommari Utangarðsmanna og Bodies þá var Tómas Tómasson fenginn sem sessionmaður á hljómborð auk þess að stjórna upptökum. Tilkoma Magnúsar þótti breyta sveitinni verulega og það til batnaðar enda talinn einn besti trommari landsins á þessum tíma. Platan Breyttir tímar, sem út kom 1. apríl 1982, varð ein vinsælasta plata sem út hafði komið í íslenskri dægurlagasögu. Sem dæmi má nefna að þann 16. apríl 1982 skaust platan beint í annað sæti listans yfir 10 best seldu plöturnar hér á landi. Á þeim lista hélt platan sig í 19 vikur samfleytt. Þrátt fyrir sterkar melódíur og léttleika laglínunnar, þótti platan bera dulúð. Þar sem gagnrýnendur sögðust greina sterk Doors áhrif, sér í lagi í textagerðinni, enda titill eins lagsins bein tilvitnun í söngvara þeirrar sveitar. Í kjölfar plötunnar var haldið í aðra hringferð um landið til tónleikahalds og ráðinn sérstakur hljóðmaður, Bjarni Friðriksson sem starfaði með sveitinni upp frá því. Í september sama ár urðu enn ein mannaskiptin í bandinu er Þorleifi Guðjónssyni var vikið úr sveitinni. Í hans stað kom Rúnar Erlingsson sem áður hafði starfað í Utangarðsmönnum. Þessi mannskipti breyttu sveitinni ekki svo útá við, kannski meira móralst innan sveitarinnar. Nokkrum dögum síðar var haldið í hljóðver á nýjan leik. Auk Tómasar Tómassonar var nú og til aðstoðar Louis Austin sem unnið hafði talsvert með breskum rokksveitum eins og Judas Priest, Gillan, Associates og fleirum. Platan Í Mynd var hljóðrituð og gefin út í nóvember 1982. Tónlistarlega þótti hún vandaðri, meira lagt í útsetningar og bandið allt mun þéttara. Dulúðin sveif þó enn yfir vötnum og hafði magnast ef eitthvað var. Bubbi hélt áfram sólóferli sínum í hjáverkum en lausir tímar voru þó varla margir því sveitin var bókuð svo til hvert kvöld.

Image
Á tónleikum í Tónabć
Snemma árs 1983 gaf Bubbi sér þó tíma til að skjótast í hljóðver og taka upp plötuna Fingraför en finna má lög á þeirri plötu er höfðu verið á tónleikaprógrammi Egosins.
Í maí 1983 hélt Egóið í tónleikaferð til Norðurlandanna. Rétt áður en lagt var af stað tilkynnti Maggi trommari að hann færi ekki og sagði sig úr sveitinni. Í hans stað var ráðinn Jökull Úlfsson auk þess sem Gunnar Rafnsson var fenginn á hljómborð. Þrátt fyrir allt gekk þessi ferð vonum framar og var sveitinni feiki vel tekið þar sem hún lék, reyndar svo að henni var boðin samningur ytra sem þó var aldrei tekið. Gagnrýnendur töldu brotthvarf Magga trommara veikja bandið, en Jökull skylaði þó sínu. ImageÁrið 1984 var haldin Norræn rokkhátíð hér á landi og meðal þeirra sem komu hingað til lands til leiks á þá hátíð var sænska hljómsveitin Imperiet. Góður kunningsskapur myndaðist milli meðlima hennar og Bubba. Sá kunningskapur átti síðar eftir að koma Bubba vel. En aftur að Egoinu, því í ársbyrjun 1984 hafði risið upp ágreiningur innan sveitarinnar og svo við útgefendur hennar. Egóið var samningsbundn og áttu eftir að skila einni plötu sem og var gert með plötunni Egó, sem unnin var undir heitinu Bless, á mettíma í mars 1984. Þetta vinnuheiti segir allt sem segja þarf í allri merkingu þess orðs. Þá voru aðeins eftir þrír meðlimir innan sveitarinnar og var fenginn til aðstoðar Ásgeir Óskarsson á trommur. Eftir útkomu plötunnar sem fékk fremur slaka dóma gagnrýnenda, lagðist sveitin niður, Bubbi hélt til útlanda en aðrir meðlimir hurfu hver í sína átt. Það var kannsi ekkert svo dramatískt, hvorki við stofnun né starfslok Egosins. En öðru máli gegnir um tónlist sveitiarinnar og framsetningu hennar. Sú dramatík og dulúð mun lifa í íslenski tónlistarsögu um ókoma framtíð.

Ego á annari öld

Árið 2001 kom svo út safnplatan Frá upphafi til enda. þar sem finna mátti nokkur af vinsælustu lögum sveitarinnnar af plötunum þrem, auk hljóðversupptöku lagsins Sat ég inn á Kleppi, en það lag hafði sveitin flutt í tónleikaútgáfu á plötunni Rokk í Reykjavík (1982). Titill þessarar safnplötu var kannski tímaskekkja því sögu Egosins var ekki lokið.

Image
2003 útgáfa sveitarinnar
Árið 2003 tilkynnti Bubbi að Egóið væri að koma saman á ný. Hjörtu margra tóku aukaslag við tíðindin og sitt sýndist hverjum, efasemdarraddir fengu sinn hljómgrunn og miklar getgátur flugu manna á milli um væntanlega liðskipan sveitarinnar. Bubbi tilkynnti þó fljótlega að ekki væri um eiginlega endurkomu að ræða heldur nýja útgáfu Egósins. Enda kom á daginn að Bubbi var sá eini af upprunalegu liðskipan sveitarinnar. Aðrir Jakob Magnússon bassi, Magnús Stefánsson trommur Hrafn Thoroddsen orgel og Einar Þór Jóhannsson gítar. Eftir að hafa komið fram í nokkur skipti hefur sveitin allt til þessa dags starfað með hléum. Ekki náði þessi nýja liðskipan sveitarinnar að senda frá sér efni, þrátt fyrir að sá orðrómur hafi öðru hvoru komist í fjölmiðla að sveitin væri á leið í hljóðver til upptöku á nýju efni og jafnvel plötuútgáfu.

Þagar ákveðið var að setja saman stórtónleika í Laugardalshöllinni í tilefni 50. ára afmælis Bubba þar sem allar sveitir kappans kæmu fram var hóað í gamala Egómeðlimi sem að sjálfsögðu höfnuðu ekki góðu partý frekar en fyrri daginn og mættu á svæðið. Þarna voru þeir komnir saman Bubbi, Beggi, Þorleifur og Maggi auk þess sem Hrafn Thoroddsen stóð við hljómborðið. Fjögur lög frá þessum tónleikum kom svo út á DVD og lokuðu tvöföldu CD plötunni sem gefin var út með efni þessara tónleika.

Árið 2007 voru liðin 25 ár frá því Ego sendi frá sér sínar tvær fyrstu plötur og að því tilefni voru þær báðar endurútgefnar í viðhafnarútgáfum. Þar höfðu stafræn gæði verið bætt, skotið inn aukalögum. Ritaður inngnagur er fjallaði um sögu þessara platna og að auki mátti finna nokkrar áður óbirtar myndir af sveitinni. En nokkru áður en þær plötur komu út gengu þær sögur að síðasta útgáfa Egósveitarinnar hefði slitið samstarfi sínu og sagði saga götunnar að enn og aftur hefði það legið fyrir að söngvarinn og trommuleikarinn hefðu bara ekki náð að vinna saman frekar en fyrri daginn og kannski bar sveitin bara nafnið með réttu, - Egóið hafði orðið Egó að falli.

Image
Egóiđ í hljóđveri/mynd: MBL
En Bubbi var ekki hættur. Í apríl 2008 bárust þær fréttir að Egóið kæmi saman á ný. Nú með Begga Morthens innanborðs ásamt Bjössa trommuleikara rokksveitarinnar Mínus, en sú sveit var á leið í tónleikaferð á erlenda grund í byrjun maí. Var áætlað að Bjössi yrði til í slaginn á fyrirhugðum tónleikum 17. maí á Nasa. Ekki hafði þetta fyrr verið opinberað en breyting varð á. Bjössi átti ekki heimangengt og til að bjarga málum var hóað í þann sem Bubbi hafði starfað með hvað mest undanfarið Arnar Geir Ómarsson. Með þessa liðskipan hófurst æfingar fyrir áðurnefnda tónleika á NASA v/Austurvöll. Tónleikarnir þóttust takst vel og svo er eins og ávalt með þessa sveit Sveitin birtist aftur á Ljósnótt í Reykjanesbæ snemma í ágúst 2008 og náði að venju rífandi stemmingu. Í árslok 2008 kom sveitin fram á Dansleik á Players í Kópavogi og var þá orðið langt liðið frá því söngvarinni Bubbi Morthens hafði tekið þátt í slíkri samkomu. Í kjölfarið var efnt til felirri slíkra dansleikja.

Í ársbyrjun 2009 boðaði sveitin að hún ætlaði að senda frá sér plötu um sumarið og þegar höfðu verið tekinn upp tvö lög fyrir skífuna. Annað þeirra "Kannski varð bylting vorið 2009" var hápólitískt lag og samið um það þjóðfélagsástand sem ríkti. Lagið var sett í spilun sama dag og það var fullklárað og nokkrum dögum síðar í sölu á tónlist.is. Um miðjan febrúar fór annað lag frá sveitinni í spilun útvarpsstöðvanna og í sölu á tónlist.is; Í hjarta mér. Lagið tók flesta vinsældalista landsins með trompi og náði þar efstu sætum t.d. Laglistans, Rásar 2 og Bylgjunnar. Um líkt leiti var ákveðið að fresta útkomu plötunnar til haustsins. En fram til haustsins sendi sveitin frá sér ein sex lög áður en platan sjálf kom út. Platan sem hlaut heitið 6. október kom út þann dag árið 2009. Þar mátti finna 11 lög og þá ljóst að lögin Kannski varð bylting voið 2009 og Eyjan græna voru utan hennar. 6. október setist óðar í efsta sæti söluhæstu platna landsins og fljótelga ljóst að þessi plata hafði slegið allum fyrri plötum sveitarinnar við hvað varðaði setur einstakra laga á vinsældalistum.

EGO I (september 1981)
Bubbi Morthens: Söngur
Þorleifur Guðjónsson: Bassi
Bergþór Morthens: Gítar

(Nóta: Bubbi kemur í heimsótt til þeirra félaga Þorleifs og Begga á æfingu þar sem þeir voru að leika sér með allskonar músík í kjallara í vesturbænum ákveða þeir að stofna hljómsveitina EGO)

EGO II (Okt-1981)
Bubbi Morthens: Söngur
Þorleifur Guðjónsson: Bassi
Bergþór Morthens: Gítar
Jói “Motorhed”: Trommur
Ragnar Sigurðsson: Gítar (áður í Tívolí)

(Nóta: Þessir aðilar voru þeir sem skipuðu sveitina í fyrstu jómfrúarferðinni um landið sem farin var í nóvember 1981, þá var sveitin búin að æfa saman í þrjár vikur að túrnum loknum hvarf Ragnar til Danmerkur og trommuleikaraskipti urðu í sveitinni)

EGO III (febrúar 1982)
Bubbi Morthens: Söngur
Þorleifur Guðjónsson: Bassi
Bergþór Morthens: Gítar
Magnús Stefánsson: Trommur

(Nóta: Bubbi frétti að Maggi væri að hætta með Bodies og hafi jafnvel verið boðið að spila með Brimkló. Bubbi ákvað að hringja í hann og Maggi var strax til í slaginn. Þessi atburðarrás á sér stað aðeins fáum dögum áður en upptökur hefjast á fyrstu plötu sveitarinnar í febrúar 1982)

EGO IV ( September / október 1982)
Bubbi Morthens: Söngur
Rúnar Erlingsson: Bassi
Bergþór Morthens: Gítar
Magnús Stefánsson: Trommur

(Nóta: Bubbi fékk það starf að reka Þorleif í hans stað kom Rúnar Erlingsson sem áður hafði verið með Utangarðsmönnum, svo segir sagan að það hafi fyrst og fremst verið að undirlagi og kröfu Magga. Það má benda á að nú eru þrír meðlimir af fjórum fyrrum Utangarðsmenn)

EGO V (maí 1983 - Október 1983)
Bubbi Morthens: Söngur
Rúnar Erlingsson: Bassi
Bergþór Morthens: Gítar
Gunnar Rafnsson: Hljómborð
Jökull Úlfsson: Trommur

(Nóta: Gunnar Rafnsson lék með Egóinu og í júní byrtist smáklausa í einu dagblaðanna þess efnis að fimmti maðurinn væri að ganga til liðs við Egoið. En Gunnar hafði áður verið hljómborðsleikari hljómsveitarinnar Kikk.
Rétt fyrir Skandinavíuferð sveitarinnar ákveður Maggi að hætta með sveitinni í hans stað var fenginn Jökull Úlfsson sem fór með bandinu í áðurnefnt ferðalag um Skandinavíu og hélt áfram með sveitinni stuttan tíma eftir að hún kom heim Þessi ferð hefur sennilega verið farin 1983. Jökli er þakkað að upphaf lagsins Serbinn varð til.) En í Nóvemberbyrjun var Jökull horfinn á braut og var um tíma notast við hina og þessa trommara. t.d. var Sigurður Reynisson til reynslu hjá Egóinu í nóvemberbyrjun en hann hafði áður leikið með t.d. Þrumuvagninum.

EGO VI (snemma árs 1984- maí 1984)
Bubbi Morthens: Söngur
Rúnar Erlingsson: Bassi
Bergþór Morthens: Gítar

(Nóta: Hér eru nýju mennirnir gengnir burt og Ásgeir Óskarsson fenginn á trommur, sem sessionleikari. Auk áðurnefndra spilara lék Tómas Tómasson stórt hlutverk á öllum plötum sveitarinnar. Þá var Bjarni Friðriksson ráðin hljóðmaður fljótlega eftir fyrstu hringferðina og var með þeim allan tímann og sá um sándið á flest öllum hljómleikum sveitarinnar.)

EGO VII (2003 -2006)
Bubbi Morthens: Söngur
Jakob Smári Magnússon: Bassi
Hrafn Thoroddsen: Orgel
Einar Þór Jóhannsson: Gítar
Magnús Stefánsson: Trommur 

EGO VIII (Tónleikar í Höllinni 06.06.2006)
Bubbi Morthens: Söngur
Bergþór Morthens: Gítar
Hrafn Thoroddsen: Hljómborð
Magnús Stefánsson: Trommur
Þorleifur Guðjónsson: Bassi
 
(Nóta: Með þessa liðskipan sem er einskonar mix úr nýju og gömlu Ego kom sveitin fram í Laugardalshöllinni á afmælistónleikum Bubba 2006 og á plötunni sem gefin var út með efni þeirra tónleika á sveitin fjögur lög Mescalin, Móðir, Stórir strákar fá raflost og lokalag plötunar Fjöllin hafa vakað.)

EGO XIV (maí 2008 - 2009)
Bubbi Morthens: Söngur
Bergþór Morthens: Gítar
Jakob Smári Magnússon: Bassi
Hrafn Thoroddsen: Orgel
Arnar Geir Ómarsson: Trommur  

(Nóta: Enn urðu mannabreytingar Beggi bróðir var nú aftur kominn í raðir Egósins. Maggi tormmari gengin á braut og ekki í fyrsta sinn. Til stóð að Bjössi trommuleikari Mínus yrði með Egóinu en af því varð ekki og var Arnar Geir þá fenginn í hans stað. Þessi liðskipan var fyrst opinberuð almenningi á miðnæturtónleikum á Nasa 17. maí 2008).

Útgáfuskrá

Smáskífur

Hljóðversplötur Egósins

Safnplötur Egósins

Kvikmyndatónlist með áður óútgefnu efni Egósins

HVS / DVD með Egóinu

Aðrar plötur með áður óútgefnu efni

Samantekt: Bárður Örn Bárðarson

 

 

BMK er aðdáendaklúbbur Bubba Morthens.

Stofnaður 06.06.06
Hvernig gerast menn félagar í BMK?