Bubbi Morthens

16. febrúar 2001 Skemmti Bubbi gestum á Pizza 67 í Hafnarfirði.  
 

2. janúar 2008 Bubba var ekki til setunnar boðið. Fyrirhugaðir tónleikar með Stórsveit Reykjavíkur voru framundan 4. og 5. janúar og því er æft þennan dag. Ljósmyndarar blaða og tímarita mæta á svæðið og mynda Bubba við æfingar. Þá birti Fréttablaðið fyrirhugaðan lagalista kvöldsins. Pakkinn var flottur með lögum eins og Lög og regla, Aldrei fór ég suður, Þorskacharleston, Sumar konur, Rómeó og Júlía, Kossar án vara, Eina nótt í viðbót, Frosin gríma, Þingmannagæla svo dæmi séu tekin. Já framundan var auðsjáanlega eyrna- og augnakonfekt.

Janúar 2007 Netlistinn sem byggður er á sóttum og seldum lögum á Tónlist.is birtir lista yfir vinsælustu lögin 2006. Í efsta sæti listans sat lagið Með þér eftir Bubba Morthens í flutningi Ragnheiðar Gröndal. Fram kemur í frétt með listanum að yfir 2000 eintök hafi selst af þessu lagi frá því það kom út sumarið 2006. 
 

23. janúar 1989 Bubbi með tónleika á veitingastaðnum Dugunni í Þorlákshöfn, líklega fyrstu tónleikar hans á árinu 1998.
 

1. janúar 1986 var efnt til Listahátíðar Hótel Borgar og nýárskvöldi fagnað með skemmtun þar sem leikin var klassísk tónlist, skáld lásu úr verkum sínum og Haukur Morthens sá um sönginn. Veislustjórar voru þeir félagar Bubbi og Megas.