| 
Innskráning

Lagaleit


Jakob Timmerman (Argentína) PDF Prenta Tölvupóstur
Bubbi - Ný spor
Ný spor 1984
Lag og texti: Bubbi Morthens

Ég man daginn sem þeir komu
voru akandi á svörtum bíl
í síðum leðurfrökkum voru
ég man frakkarnir voru í stíl.
Það var bundið fyrir augun
mér var hrint niður stigann
úti var hiti og sól.
Enginn þorði að spyrja hvert farið væri með hann
það þekktu allir terrorinn, þess konar tól.

Þú ert ákærður fyrir brot á lögum landsins
við jörðum þig í gaddavír.
Þú ert ákærður fyrir brot á lögum fólksins
við skírum þig í gaddavír.
Á nóttinni heyri ég hrópin í hinum
það eru mörg afbrigði af sársauka til
ég fann lykt af blóði í voninni
þeir fengu mig til að játa - hér um bil.
Oft hugsa ég um ykkur hin fyrir utan
oftast hugsa ég hvenær koma þeir næst
þegar þeir koma bið ég bæn til herrans
hún kemst ekki út því öll hlið eru læst.

Þú ert ákærður fyrir brot á lögum landsins
við skírum þig í gaddavír.
Þú ert ákærður fyrir brot á lögum fólksins
við jörðum þig í gaddavír.

Á nóttinni smala þeir fólkinu saman
suma sjáum við aldrei meir.
Fyrir utan borgina leggja þá föla á magann
hnakkaskot grár sandurinn verður að rauðum leir.

Þú ert ákærður fyrir brot á lögum landsins
við jörðum þig í gaddavír.
Þú ert ákærður fyrir brot á lögum fólksins
við skírum þig í gaddavír.

Lagið má finna á eftirtöldum útgáfum
 

BMK er aðdáendaklúbbur Bubba Morthens.

Stofnaður 06.06.06
Hvernig gerast menn félagar í BMK?