Bubbi Morthens

Eitthvað er nú minnið að svíkja Bubba vin minn Morthens í viðtalinu við DV. En þar minnist hann á að Egóið hafi átt plötu í 1 og 2 sæti yfir vinsælustu plöturnar. DV birti listann á þessum árum og samkvæmt þeim lista átti sveitin aldrei plötu bæði í 1 og 2 sæti árið 1982. Saga plötunnar Breyttir tímar er svolítið skrítinn á þessum lista því hún kemur inn með látum beint í annað sætið 16. apríl. Nær ekki fyrsta. sætinu fyrr en 14. maí 1982 þar sem hún sat aðeins eina viku og er rokkandi um listann fram til 20 ágúst þá í fjórða sæti. Eftir það hverfur hún af listanum og sést þar ekki meir. En það verður að teljast undarlegt að hverfa af listanum úr 4. sæti. Líkleg skýring er að upplag plötunnar hafi klárast og eftir að ný sending barst hefur salan ekki verið nægilega mikil í hverri viku til að koma henni inn á listann aftur heldur selst hægar og jafnar til lengri tíma. En bubbi.is hefur þegar skráð allar dvalir platna og laga sem tengjast Bubba á vinsældalistum frá 1980 - 2010 og birst hafa í blöðum eða tímaritum.