| 
Innskráning

Plötur

isbjarnarblusUndir valmyndinni Plötur finnur þú allar plötur Bubba frá upphafi ásamt myndum af plötalbúmum, lista yfir lög og texta. 

Lög og textar

bubbi_og_megasÍ gagnagrunninum okkar eru öll lög og textar Bubba. Notaðu leitina til að finna það lag sem þú ert að leita að.

Spjalltorg

login-minTaktu þátt í umræðunum á spjalltorginu. Athugaðu að þú verður að vera innskráður til að hafa aðgang.

Tímalína og molar

3-heimarUndir valmyndinni tímalína er rakin saga Bubba. Undir Molar eru margir skemmtilegir pistlar.
Image

Sjá Pistla Bubba

HÉR

Lagaleit

Tímalína

  • 8. janúar 2000 hafði útgáfustjóri Skífunnar Friðþjófur Sigurðsson samband við Bárð Örn Bárðarson og fékk hann til starfa á ný, Verkaefnið var safnplata með Utangarðsmönnum. Áætlunin: Öll útgefin lög sveitarinnar sem gefin hafa verið út á plötu en ekki enn komið út á CD. Mánuði síðar var stefnunni breytt að ósk Bárðar þar sem of mörg lagana yrðu þá bæði á ensku og íslensku. Því var sett upp það sem kallast yfirlitsplata, en þó með áherslum á að koma sem flestum laga sveitarinnar á CD.
     

  • 2.  janúar 1985 hóf Bubbi upptökur fyrir væntanlega sólóplötu sem síðar fékk heitið Kona. Með honum í hljóðverinu var Tryggvi Herbertsson í hlutverki upptökustjóra og þá var Þorleifur Guðjónsson tíður gestur í hljóðverinu með bassann. 

  • Image
    Bubbi í hljóđveri viđ upptökur
    Janúar 2011 Bubbi er við upptökur nýrrar sólóplötu ásamt sveit sem kallar sig Sólskuggana. Auk þess sem hann var að semja efni og byrja undirbúning á að taka upp plötu með jólalögum.

    14. janúar 2011 Bubbi setur í spilun lagið Strákarnir okkar sem tileinkað var Íslenska landsliðinu í handbolta sem þá var að taka þátt í heimsmeistaramóti. Lagið var þó ekki fyrr komið í spilun en allt fór á verri veg. Því eftir að hafa unnið alla leiki sína í undariðli tapaði liðið öllum leikjum sínum í milliriðli og spilaði loks um 5. sæti í úrslitum.

    2. mars 2011 Bubbi mætti í hljóðstofu Bylgjunnar hjá Rúnari Róberts sem spjallaði aðeins við hann um væntanlega plötu. þar var og frumflutt lagið Ísabella af væntanlegri ,,Soul" plötu Bubba. 

    16. mars 2011 Bubbi og félagar leggja lokahönd á Enginn vill elska feita stelpu, í stúdíó Sýrlandi. Það var eitt laga hans næstu plötu.

    7. apríl 2011 Lagið Ísabella fer á toppinn yfir mest spiluðu lögin á Íslandi. En talsverður tími var þá síðan Bubbi hafði sem sólóisti átt lag á toppi þess lista.

    5. maí 2011 Blik þinna augna fer í spilun útvarpsstöðva og sölu á tónlist.is. Þriðja lagið af væntanlegri plötu Bubba og Sólskugganna.

    2. júní 2011 Bubbi boðar í pistli sínum á Pressan.is að hann komi ekki til með að spila í Hörpu meðan ríkjandi stjórn sitji þar. Ástæðuna rakti Bubbi í umræddum pistli. Tóku fleiri tónlistarmenn undir þá yfirlýsingu og nokkrir aðdáendur Bubba einnig. Bubbi gagnrýndi val á tónlistarfólki sem kom fram á opnunarhátíð Hörpu og fannst honum heldur hallað á þá sem fremstir stóðu í íslenskri popptónlist. Þá gagnrýndi hann ýmsa þætti er varða rekstur hússins og þá skilmála sem tónlistarmenn verða að undirgangast til að fá að spila í húsinu.

    6. júní 2011 Formlegur útgáfudagur plötunnar Ég trúi á þig. Platan var þó boðin á tónlist.is tveim dögum fyrr. Og komst ekki í verslanir fyrr en 2. dögum eftir útgáfudag. En Færibandið var á dagskrá þetta kvöld og þar ræddi Óli Palli við Bubba og saman renndu þeir í gegnum plötuna og ræddu um hana milli laga. Þátturinn hafði verið tekinn upp nokkru áður því Bubbi eyddi afmælisdeginum ásamt fjölskyldu í Kaupmannahöfn.

    14. júní 2011 Bubbi gerist meðstjórnandi í þætti Rásar 2. Virkir morgnar í eina viku og er þar með Gunnu Dís.  Meðal þess sem fram kom í fyrsta þættinum var að ýmsu hafði verið stolið frá Hugleiki Dagssyni m.a. fartölvu sem innihélt margvísleg gögn og vinnu hans. Bubbi skoraði þar á alla  m.a. aðila undirheimanna, og þá sem haft gætu áhrif á að Hugleikur fengi aftur gögnin sín stuðluðu að því að svo yrði. og viti menn nokkrum dögum síðar barst harði diskur tölvu Hugleiks til þáttarins á Rás 2 og endurheimti Hugleikur því vinnu sína aftur. Það má því segja að Bubba hafi tekist það sem heilli ríkisstjórn hafði ekki tekist það er að fá þjófana til að skyla hluta af þýfinu aftur

    Image
    Bubbi á útgáfutónleikum í Hofi
    16. júní 2011 Bubbi og Sólskuggarnir með útgáfutónleika í Hofi, Akureyri í beinni á Rás 2. Sama dag var platan Ég trúi á þig komin í 1. sæti Íslenska sölulistans.

    17. júní 2011 Bubbi og Sólskuggarnir með tónleika á Akranesi.

    31. júní 2011 Bubbi kom fram á Þjóðhátíð í Eyjum að venju.

    20. ágúst 2011 Menningarnótt í Reykjavík og Bubbi ásamt Sólskuggunum koma fram á stórtónleikum Rásar 2. Ásamt fjölda annarra listamanna. Bubbi þótti ekki eiga sinn besta kvöld enda voru slæmska í hálsi að stíra honum. Fyrr um kvöldið hafði Bubbi einnig stígið á svið á 25 ára afmælistónleikum Bylgjunnar sem fram fór á Ingólfstorgi.

    20. september 2011 Bubbi heldur í tónleikaferð um landið undir yfirskriftinni Ég trúi á þig. Í þessum hluta ferðarinnar voru 10 tónleikar á suðvesturlandi og norðurlandi.  Byrjað var í Borgarfirði en endað á Sauðárkróki 2. október

    6. október 2011 Stórtónleikar í Háskólabíói með Bubba og Sólskuggunum, Síðbúnir útgáfutónleikar ef svo má segja. Gestir kvöldsins voru þau Greta Morthens og Berndsen.

    15. október 2011 Veikindi Bubba komu í veg fyrir að Bubbi kæmi fram á Airwaves í fyrsta sinn, að vísu sem gestur Brendsen en lag hans Úlfur úlfur hafði notið mikilla vinsælda eins og flestir muna.

    29. október 2011
    Veiðisögur Bubba koma út og að því tilefni var efnt til útgáfuteitis í Rafveituheimilinu í Elliðarárdalnum. Þar sem Bubbi tók einnig ein tvö lög fyrir gesti.

    Nóvember 2011 Bubbi byrjar að taka upp demó fyrir næstu plötu sem hlaut vinnuheitið Þorpið. Þegar þeim upptökum lauk seinnihluta desember voru 18 demó komin á band.

    4. nóvember 2011 Áframhald af tónleikaferð Bubba um landið undir yfirskrift síðustu plötu sinnar Ég trúi á þig. Í þessum legg ferðarinnar voru einir sex tónleikar haldnir og hófst leikurinn í Vík í Mýrdal en lauk í Hlégarði í Mos 13. nóvember.

    21. desember 2011 Bubbi efndi til Þorláksmessutónleika í Hofi á Akureyri. Uppselt var á tónleikana sem fengu jákvæðar undirtektir heimamanna.

    23. desember 2011 Árlegir Þorláksmessutónleikar í Háskólabíói í beinni útsendingu Bylgjunnar. Það þótti hátíð að ekki voru settar fréttir né auglýsingar ofan í tónleikana þetta árið. Elín Ey sá um að opna tónleikana með nokkrum lögum og var flott.  

     

  • 23. janúar 1989 Bubbi með tónleika á veitingastaðnum Dugunni í Þorlákshöfn, líklega fyrstu tónleikar hans á árinu 1998.
     

  • Febrúar 1994 Heyrðu aftur 93 kemur út, Þar á Bubbi lagið Það er gott að elska auk þess sem þar er líka að finna lag G.C.D. - Sumarið er tíminn . Lagið sem kom út á plötunni Svefnvana hafði notið mikilla vinsælda og er enn mikið leikið á útvarpsstöðvum
     

Plötur

Svalasmellir
Svalasmellir

Skytturnar
Skytturnar

Sagan af Eyfa (Bönnuđ börnum) - Stórsveit Guđmundar Inga
Sagan af Eyfa (Bönnuđ börnum) - Stórsveit Guđmundar Inga

Á 100 (KA)
Á 100 (KA)

06.06.06
06.06.06


Forsíđa
Tónleikar framundan
mánudagur, 31 október 2011

Tónleikar í nóvember
Bubbi á ferđinni í Nóvember
Aðdáendur Bubba geta byrjað að blístra af kæti því enn blæs hann í lúðra og boðar til tónleikahalds. Bubbi og gítarinn hans ásamt öðru sem til þarf verða á eftirfarandi stöðum næstu daga

3 nóvember - Fríkirkjan Reykjavík tónleikar ásamt öðrum
4 nóvember - Vík í Mýrdal - Leikskálar
5 nóvember - Grindavíkurkirkja
6 nóvember - Ytri Njarðvík

8 nóvember - Hvanneyri - Kollubar
9 nóvember - Hvammstangi - Félagsheimili
13 nóvember - Hlégarður - Mosó

Þessir tónleikar eru hluti tónleikaraða undir yfirskriftinni Ég trúi á þig sem er sama heit og var á síðustu plötu Bubba sem kom út í sumar.
Hér verður örugglega líkt og ávalt gamalt efni í bland við ný lög. Miðasala er þegar komin í gang á miði.is

 
Bubbi í Motitor
föstudagur, 04 nóvember 2011

Monitor 2011Bubbi prýðir forsíðu Monitors þessa vikuna og þar er að finna viðtal við hann. Hann talar þar um lífið og tilveruna, ferilinn og íslenska tónlist. Það er stikklað á stóru um hin margvísu mál sem snúa að Bubba og ferli hans bæði sem tónlistarmanni og persónu. Flottar myndir prýða einnig blaðið.

Monitor er fylgiblað Morgunblaðsins en einnig er hægt að nálgast það í rafrænni útgáfu á heimasíðu Mogunblaðsins.

 
Gleđifrétir
ţriđjudagur, 01 nóvember 2011

ImageÍ nýju fréttabréfi frá tónlis.is kemur fram að nú hafi virðisaukaskattur á tónlist verið leiðréttur og ber nú sama skatthlutfall hvernig sem henni er miðlað til neytenda og þetta þýðir að vefur eins og tónlist.is geti nú boðið tónlist fyrir lægra verð en áður. Þetta eru vissulega gleðitíðindi fyrir okkur Bubba aðdáendur rétt eins og alla aðra tónlistaráhugamenn og kaupenur tónlistar.

Í frétt frá Tónlist.is um málið segir m.a.: 

Margra ára baráttu er lokið með miklum sigri fyrir íslenska tónlistargeirann; nú eru sömu skattar á sölu tónlistar hvort sem þú kaupir hana stafrænt á netinu eða á geisladisk. Fyrir breytingar var virðisaukaskattur á stafrænni sölu tónlistar 25,5% en aðeins 7% á geislaplötum, þannig að hér er augljóslega um að ræða miklar gleðifréttir fyrir Tónlist.is, stærstu tónlistarveitu landsins og alla okkar viðskiptavini.

Tónlist.is bregst hratt við og breytir verðum á sinni þjónustu strax í samræmi við lækkunina. Er lögð á það mikil áhersla að þessi lækkun skili sér alla leið í veski okkar notenda.

Meira um þetta á vef tónlist.is

 
Ný bók frá Bubba ađ koma
fimmtudagur, 27 október 2011

Bubbi - Veiđisögur
Ný bók frá Bubba
Bubbi er með nýja bók í farvatninu. Samkvæmt heimildum koma fyrstu 50 eintökin til landsins í dag og verður að því tilefni efnt til útgáfuteitis. Meginupplag bókarinnar kemur svo eftir helgina. Bubbi rær á kunnar slóðir í frásagnalistinni  því hér er hann enn við árbakkana og segir okkur veiðisögur. Bubbi hefur áður sent frá sér nokkrar bækur sem tengjast veiði frá ýmsum hliðum og hafa þær fengið góðar viðtökur. Bókin sem er 160 síður og er það Salka sem gefur verkið út sem hefur hlotið heitið Veiðisögur. Þetta nýjasta verk Bubba ætti að vera aðgegnilegt í bókaverslunum fljótlega eftir næstu helgi. 

 
Bubbi í ár
föstudagur, 07 október 2011
ImageVið mælum með að þessi plata sé til í safninu
 
<< Byrja < Fyrri 1 2 3 4 5 6 7 Nćsta > Endir >>

Úrslit 61 - 65 af 65

BMK er aðdáendaklúbbur Bubba Morthens.

Stofnaður 06.06.06
Hvernig gerast menn félagar í BMK?