Ný plata í pípunum

ImageÍ nóvember hóf Bubbi að bregða sér í hljóðver til að taka upp demó fyrir næstu plötu sína. Þegar hefur hann fest 13 demó á band og er áætlað að formlegar upptökur fyrir plötuna hefjist 4. janúar n.k.

Platan hefur fengið vinnuheitið „Þorpið“ Meðreiðasveinar verður sami mannskapur og vann með honum síðustu plötu; Ég trúi á þig. Það er þeir Börkur, Daði. Ingi Björn, Kristinn Snær og Kristjana Stefáns auk þess sem aðrir vera kallaðir til í upptökur einstakra laga. Þetta verður 26 hljóðversplata Bubba með nýju efni frá því ferillinn hófst 1980.